Go to the page content

Како може телемeдицината да ви помогне за грижата за дебелината?

Науката е богатство, а разговорот има највисоко „кралско“ значење. Телемедицината им овозможува на здравствените работници да ги спојат двете и да владеат во свет каде што одржувањето на контактот и разговорот се основни столбови на грижата, што дури ни пандемија не може ги разниша.

д-р Али Зентнер, август 2020

Пред 6 месеци, ако ме прашаше некој што мислам за телемедицината, мојот одговор ќе беше „ја мразам“. Морам да признаам дека е тоа бурна реакција, но знаете што: Јас не се разбирам многу во технологија. И како секој друг лекар, не се чувствувам пријатно да правам работи во кои не сум вешта. 

Што е уште поважно, јас сум тип на човек кој зборува очи в очи . Им давам предност на аналогните работи пред дигиталните и верувам во она што го нарекувам „разговор во живо“ меѓу луѓето, без разлика дали станува збор за пријателски разговор или за решавање медицински проблем.

Изучував мотивациона комуникација за да научам да ги читам физичките знаци и невербалните пораки кај луѓето. Сметам дека терапевтскиот ефект е неразделив дел од физичката посета.

Пред пет години изградив клиника и бев решена сè да биде како што треба. Сакав да биде клинички препознатлива, безбедна и достапна, атмосферата да биде топла, а луѓето да се чувствуваат добредојдени. Прекрасно место каде што владее мир и луѓето закрепнуваат.

Сакав пациентите веднаш да сфатат дека ОВОЈ пат третманот ќе биде поинаков. Сакав целиот здравствен персонал да работи за да го овозможи тоа. Сакав место каде што секој внимателно одбран детаљ ќе вели „Дојдовте на вистинското место каде што го заштитуваме индивидуалното здравје, и каде што секој пациент се гледа пред сè како човек“.

„Сакав место каде што секој внимателно одбран детаљ ќе вели „Дојдовте на вистинското место каде што го заштитуваме индивидуалното здравје, и каде што секој пациент се гледа пред сè како човек“.“

-Dr. Ali Zentner

Денес Revolution Medical Clinic во Ванкувер, Канада, каде што јас сум медицински директор, е една од најголемите мултидисциплинарни клиники за третман на дебелината во земјата.

Во рамките на јавниот социјален здравствен систем, нудиме сеопфатен третман за дебелина за околу 5 000 пациенти.

Нашиот персонал е составен од 4 доктори по интерна медицина, едуцирани за третман на дебелината, 3 медицински сестри и 1 диететичар. Ние соработуваме со Obesity Canada и признати сме од Европската асоцијација за проучување на дебелината како интернационален центар за успешност.

Вообичаено, клиниката ја посетуваат 50-70 луѓе дневно кои доаѓаат од сите страни на Британска Колумбија. Нашето среќно место секогаш беше полно. Нашиот систем функционираше. Верна на моето верување за комуникација очи в очи, мораше прво да ги видам моите пациенти, за навистина да биде ефикасен прегледот. Потоа за некого можев да ги земам предвид опциите за телемедицина. И потоа дојде пандемијата.

Дојдов во канцеларија на 16 март 2020 година, и до 17 март сите посети ги направивме да бидат виртуелни. Потоа се потпиравме и на нашата видеоплатформа за телемедицина, и помалку на телефон. Освен ова, користиме и електронска пошта.

„И потоа дојде пандемијата. Дојдов во канцеларија на 16 март 2020 година, и до 17 март сите посети ги направивме да бидат виртуелни.“

-Dr. Ali Zentner

Имавме среќа. До некој степен, нашата клиника веќе користеше технологија за комуникација со години. Имавме потпишана дозвола за електронска комуникација со нашите пациенти и сите беа наведени во електронскиот систем за медицинска документација. Ние можевме безбедно да пристапиме до нивното досие од каде било. Бев изненадена колку бевме подготвени за оваа промена. Сите коцки се склопија. Но потребно е повеќе отколку само технологија.

Лично, она што требаше веднаш да го направам беше да си го сменам убедувањето и целосно да застанам зад овој виртуелен начин на испорака на грижа за пациентите. Но покрај тоа што сега технологијата ја користиме повеќе од кога било, се случи нешто магично. Почнав да сфаќам колку е важна грижата што им ја давам на моите пациенти. Се најдовме среде нова непозната болест. 

Луѓето беа затворени во нивните домови. Исплашени, но на безбедно, изолирани, но заедно. А од другата страна бев јас, обидувајќи се да дојдам до нив КАДЕ И ДА СЕ само за да проверам како се.

Ако сè уште не сфативте, тогаш сметајте дека треба да се разговара за справувањето со дебелината. Всушност, независно од медицинскиот проблем, понекогаш најголем терапевтски ефект може да постигнеме ако сослушаме и се поврземе со соговорникот.

„Телемедицината ми овозможи да ги заобиколам пречките и да бидам достапна за оние на кои им требаше моето внимание, каде и да се.“

-Dr. Ali Zentner

Сфатив дека телемедицината ми овозможи да ги заобиколам пречките и да бидам достапна за оние на кои им требаше моето внимание, каде и да се. И покрај пандемијата, можев да ги сослушам, поддржам и да им помогнам на луѓето.

Спротивно на моите претходни верувања, се покажа дека не е важно дали некој е во мојата ординација, дали го слушам на мојот компјутер или слушалка. Јас сум нивниот лекар, гласот од другата страна на линијата.

Моите виртуелни посети во суштина се разговор со клиничка заднина. Тие не се разликуваат од обичните посети кај лекар.

Се јавувам кај пациентот или се приклучувам преку интернет-платформа и го прашувам пациентот како се чувствува. Го сослушувам, договараме план за третман и следен преглед за да видиме како одат работите.

Ја приспособуваме терапијата и правиме план. Понекогаш тоа значи само внимавање на исхраната и диета. Понекогаш значи 15 минути пешачење секој ден. Ги советувам за менталното здравје, спиењето, емоционалното јадење итн.

Единствената диета што им ја препорачувам на моите пациенти е „вести диета“, а со тоа мислам на ограничено следење на дневните вести за да си ја заштитат менталната благосостојба. Советите ги приспособувам според разговорот и според човекот од другата страна на линијата. 

„Телемедицината значи дека јас станав гостин во домовите на моите пациенти каде што несомнено тие се чувствуваа побезбедно, посамоуверено и поохрабрено отколку во најдобрата клиника.“

-Dr. Ali Zentner

Преку интернет-платформите ги учам луѓето како да ги земаат лековите и ги информирам за што било, од исхрана до новости за COVID-19. Мојот тим работеше на трансформирање на ресурсите со кои располагавме и подготви материјали за сè, од емоционално јадење до митови за дебелината.

Целата програма за баријатрична хирургија ја претворивме во интернет-програма затоа што сфативме дека брзиот и лесен пристап до можности може да им помогне на луѓето да се чувствуваат безбедно и добредојдено.

Телемедицината значи дека јас станав гостин во домовите на моите пациенти каде што несомнено тие се чувствуваа побезбедно, посамоуверено и поохрабрено отколку во најдобрата клиника. Наместо да дојдат кај мене за лична консултација, сега тие се приклучуваат на посета од нивните дневни соби, кујни или простории каде што го минуваат времето со своите најблиски, што претставува средина каде што поминуваат најголем дел од животот.

Неизбежно, комуникацијата преку телефон или на интернет може да претставува процес на учење. Закрепнувањето, изразувањето емпатија и виртуелното поврзување со луѓето бараше да станам подобар и поефикасен комуникатор.

Па поради тоа морав да научам нов „јазик“. Визуелните знаци веќе не беа толку очигледни, а во некои случаи не ни беа присутни. Научив да ги слушам аудитивните знаци, воздишки и паузи. Научив кога да слушам, а кога да им давам совети. Научив да разјаснувам, да се поврзувам и да комуницирам на целосно нов начин.

Отсекогаш знаев дека комуникацијата е СÈ во медицината. Науката е богатство, а разговорот има највисоко „кралско“ значење. Овде, во мојата клиника, ги имаме двете. Бев изненадена кога сфатив дека овие принципи се дури уште поприсутни во телемедицината.

Гледајќи наназад, најважниот заклучок е дека на многу начини телемедицината функционира подобро во однос на традиционалниот клинички пристап кога е во прашање справувањето со телесната тежина.

Како лекар што е едуциран за третман на дебелината, третирам група луѓе што може да се многу навикнати на социјална изолација. Животот со симптоми, без разлика какви се тие, придонесува луѓето да се изолираат. Дебелината се разликува од многу други болести поради тоа што симптомите на пациентите и дијагнозата се видливи во секое време. Како резултат на тоа, животот со дебелина често може да биде следен со дискриминација и предрасуди.

„Морав да научам нов јазик. Научив да ги слушам аудитивните знаци, воздишки и паузи. Научив кога да слушам, а кога да им давам совети. Научив да разјаснувам, да се поврзувам и да комуницирам на целосно нов начин.“

-Dr. Ali Zentner

Нашето општество, вклучувајќи ги и луѓето во мојата професија, долго време ги маргинализираа луѓето што живеат со дебелина. Луѓето веруваа дека нивната болест е нивна вина, а третманот нивна одговорност. Ако ТЕЖИТЕ ПОВЕЌЕ, ве ценат ПОМАЛКУ.

Во оваа ситуација, телемедицината нуди одличен ефект на изедначување. Моите пациенти сега имаат помалку бариери што ги спречуваат да се грижат за себе, од кога било досега. Сега може да дојдам до нив и да ги третирам БУКВАЛНО каде и да се.

Осигурувајќи се дека виртуелната врска секогаш е добра опција, можеме да кажеме дека оптималните услови за лекување секогаш ви се на дофат на рака. Тоа ја сумира моменталната ситуација кога е во прашање справувањето со дебелината: Ги спуштивме границите за пристап до нега и ги подигнавме во поглед на квалитетот на работата што ја нудиме.

Пресметајте го вашиот BMI (индекс на телесна маса)

cm
ft
in
kg
st
lb

Вашиот BMI:

__

Класификација на вашата телесна тежина:

__

@




A link with your BMI result has been sent to the email address.
An error has occured. The email wasn't sent.

2020 година навистина ме импресионираше кога се во прашање моите пациенти што живеат со дебелина. Дури и кога се соочуваат со нова бура, нивната милост, хуманост, непоколебливост и сила се во изобилие.

Кога се прогласија мерките за социјално дистанцирање, голем дел од моите пациенти веќе беа социјално изолирани најголем дел од нивниот живот. Ако живеете со дебелина, авионите, рестораните и шопинг-центрите не се места каде што се чувствувате добредојдено. 

Во еден неочекуван момент, остатокот од светот се најде затворен во своите домови, како и многумина од луѓето што живеат со дебелина. Но, затоа што луѓето што живеат со дебелина се прекрасни човечки суштества кои на потешкиот начин научиле да се спротивстават на секоја ситуација, ќе издржат и ќе напредуваат кога сè друго изгледа мрачно и непредвидливо.

„Гледајќи наназад, најважниот заклучок е дека на многу начини телемедицината функционира подобро во однос на традиционалниот клинички пристап кога е во прашање справувањето со телесната тежина.“

-Dr. Ali Zentner

Луѓето сакаат само да бидат добро. Сакаат да се чувствуваат безбедни, ценети и да знаат дека значат некому. Третманот, во самата негова суштина, ја дава таа порака. Тоа значи дека постои надеж и дека утре ќе биде подобро од денес. Пристапот до таа прецизна порака можеби никогаш не бил поважен од сега.

Она што го научив за време на карантините сега стана мојот нормален начин на функционирање. Во моментот кога ја пишувам оваа објава поминати се 12 недели откога почнав да практикувам телемедицина. Поминавме многу и имавме повеќе од 2 000 пациенти.

Светот полека повторно се отвора, но мојата клиника ќе продолжи да функционира виртуелно уште некое време. По пандемијата со COVID-19, заклучивме дека нашите чекалници се премали за да можат да им осигураат безбедност и благосостојба на пациентите. 

Иронично е тоа што местото на кое работев многу напорно за да го направам безбедна оаза за моите пациенти, сега претставува место каде што тие може да бидат изложени на различни опасности, коишто никогаш не можеме да ги предвидиме. Па затоа ќе продолжам да контактирам со моите пациенти што живеат со дебелина под нивни услови и во нивниот простор, за да ја одржиме нашата терапевтска соработка без да ја загрозиме нивната безбедност.

Не мислев дека е можно, но телемедицината ме убеди дека најдобриот лек што може да го понудите понекогаш, може да се даде и виртуелно. Требаше да се појави непозната болест и да се прогласи пандемија за да сфатам деке не е важно каде се наоѓаме физички. Сигурна сум дека има области од медицината каде што не важи ова, но во светот на справување со дебелината телемедицината е всушност совршена опција.

„Не мислев дека е можно, но телемедицината ме убеди дека најдобриот лек што може да го понудите понекогаш, може да се даде и виртуелно. Требаше да се појави непозната болест и да се прогласи пандемија за да сфатам деке не е важно каде се наоѓаме физички.“

-Dr. Ali Zentner

Лекар сум повеќе од две децении и сè уште си ја сакам работата. Ми се допаѓа и го сакам тоа што сè уште учам за човечкото тело, дека кариерата ме тера да растам и да се приспособувам од минута во минута и да бидам малку подобра секој нов ден. 

Најважно е тоа што сакам да бидам лекар што ќе третира дебелина затоа што секој ден имам можност да прославам и да им помогнам на луѓе што се пристојни, храбри, одлучни човечки битија кои се надеваат и работат за да си овозможат подобро здравје во нивниот живот.

Без разлика на просторот, во канцеларија, на лента за трчање, на телефон или на некоја интернет-платформа, погледот е сè уште ист, а задоволството продолжува да е мое.

ПОВРЗАНИ ТЕМИ

ПОВРЗАНИ СТАТИИ

Научно докажани опции за регулирање на телесната тежина
ТРЕТМАНИ   СОВЕТ ОД ЕКСПЕРТ   ГРИЖА ЗА ДЕБЕЛИНАТА | 2 min. read

Научно докажани опции за регулирање на телесната тежина

Без разлика дали станува збор за бихеjвиорална терапија, лекови против дебелина или баријатрична хирургија, постојат повеќе различни начини за третман на дебелината. Здравствен работник кој е едуциран за дебелината може да ви помогне да подготвите план за справување со телесната тежина што ќе биде соодветен за вас, комбинирајќи повеќе различни третмани коишто функционираат на различни начини.

Ајде да разговараме: 13 прашања за дебелината што може да му ги поставите на вашиот лекар
ТРЕТМАНИ   ГРИЖА ЗА ДЕБЕЛИНАТА   МЕДИЦИНСКА ПОДДРШКА | 5 min. read

Ајде да разговараме: 13 прашања за дебелината што може да му ги поставите на вашиот лекар

Да почнете разговор за дебелината може да биде тешко, дури и со вашиот лекар.

Соработувајте со вашиот лекар и направете план
СОВЕТ ОД ЕКСПЕРТ   ГРИЖА ЗА ДЕБЕЛИНАТА   МЕДИЦИНСКА ПОДДРШКА | 5 min. read

Соработувајте со вашиот лекар и направете план

Дебелината е сложена болест, но нејзиниот третман не мора да биде. Здравствените работници едуцирани за третман на дебелината поседуваат знаење и алатки за да направат план за третман што вам ќе ви одговара.